«STEP.ai-արհեստական բանականութիւն» ուսումնական ծրագիրը կազմուած է ՀԲԸՄ Սիլիքոն Վէլիի եւ Սինոփսիս հիմնադրամի կողմէ՝ հայկական դպրոցներէն ներս ԳՏՃՄ (STEM) կրթութիւնը զարգացնելու համար: Մշակուած եւ իրականացուած է տեղեկատուական եւ հաղորդակցական տեխնոլոկիաներու գործատուներու միութեան (ՏՀՏԳՄ) եւ Սինոփսիս Արմենիայի կրթական բաժինի համատեղ ջանքերով. կը մատուցուի ՀԲԸՄ ՀՀՀ ելեկտրոնային ուսուցման հարթակի միջոցով:

Արհեստական բանականության ծրագրի նպատակն է Հայաստանի ավագ դպրոցի աշակերտներին ապահովել էական գիտելիքներով և հմտություններով՝ նրանց սովորեցնելով արհեստական բանականության հիմնարար հասկացությունները և գործնական կիրառումը: Այն ուսանողներին հնարավորություն է ընձեռում շարունակել հետագա ուսումնասիրությունները արհեստական բանականության ոլորտում՝ նախապատրաստելով նրանց աշխատանքային կյանքին:

4 Սեպտեմբեր 2025 -ին «STEP.ai» գիտութեան եւ ճարտարագիտութեան կրթական եռամեայ ծրագիրը հաստատուեցաւ ՀՀ կրթութեան, գիտութեան, մշակոյթի եւ սփորթի (ԿԳՄՍՆ) նախարարութեան կողմէ՝ որպէս 3 տարուան տեւողութեամբ ընթացուող ընտրովի առարկայ:

Աւագ դպրոցներէն ներս «STEP.ai» ծրագիրի կիրառումը սկիզբ առած է Հոկտեմբեր 2024-ին ԿԳՄՍՆ-ի, «Սինոփսիս Արմենիա»-ի, ՀԲԸՄ ՀՀՀ-ի եւ ՏՀՏԳՄ-ի միջեւ ստորագրուած յուշագրէն ետք։

Եռամեայ ծրագիրի ընթացքին 10-րդ կարգի աշակերտները պիտի ուսումնասիրեն «Արհեստական բանականութիւն եւ Python», 11-րդ կարգի աշակերտները՝ «Մեքենայական ուսուցում», իսկ 12-րդ կարգի աշակերտները՝ «Բնական լեզուի մշակում եւ ռոպոթաշինութիւն»։

Առցանց եւ առկայ ուսուցման մեթոտներով պատրաստուած բազմաբնոյթ եւ ներգործօն տեսադասերը մշակուած են ՀՀՀ ԱԲ մասնագէտի եւ դպրոցի ուսուցիչի համատեղ ջանքով: Դասաւանդումը կ'ընթանայ ՀՀՀ թուային հարթակով։

Դասընթացքի հիմնական մասը կը կազմէ եզրափակիչ խմբային աշխատանքը: Աշակերտները տարբեր խումբերու բաժնուելով, յատուկ նախագիծերով կը ներկայացնեն իրենց ստացած գիտելիքները: Այս աշխատանքը առիթ կը դառնայ նաեւ, որ զարգանայ հաղորդակցութեան եւ համագործակցութեան հմտութիւնը: Դասընթացքի աւարտին աշակերտները քննութիւն կը յանձնեն:

Ծրագիրը սկիզբ առած է 2022-ին, Հայաստանի եւ Արցախի շարք մը դպրոցներու երկրորդական բաժիններու մէջ: 2023-2024 ուսումնական տարեշրջանին, 5 ուսումնական հաստատութիւններէ աւելի քան 80 աշակերտ  յաջողութեամբ աաւարտեց ծրագիրի առաջին դասընթացքը։  2025-2026 ուսումնական տարեշրջանէն սկսեալ Հայաստանի 15 աւագ դպրոցներ միացան ծրագիրին, եւ աշակերտները կը սորվին արհեստական բանականութեան եւ մեքենայական ուսուցման հիմունքները։

ՀԲԸՄ ՀՀՀ-ը, Արհեստական բանականութեան կրթութիւնը STEM ուսումնական ծրագրէն ներս ներառելով,  կը ձգտի նոր սերունդին տալ այն կրթութիւնը, որուն շնորհիւ կարելի կը դառնայ  յաղթահարել նոր ժամանակներու բարդ մարտահրաւէրները: